A Escola de Música Concello de Ortigueira (EMCO) celebra a festividade de Samaín cun Concerto en Streaming que se emitirá na Canle de Youtube de EMCO TV o Sábado 31 de Outubro ás 20h.

Os celtas celebraban esta festa de Samaín con ritos nos cales os sacerdotes druidas, servindo como «médiums», comunicábanse cos seus antepasados, en espera de ser guiados  nesta vida hacia a inmortal. Dícese que os «espíritus» dos ancestros chegaban nesa data a visitar os seus antigos fogares.

A EMCO celebra a «Semana de Samaín» a través de dúas propostas:

Photocall  «do terror» entre o martes 27 ó venres 30. Todo o alumnado da Escola de Música que queira participar deberá vir caracterizado. O photocall é unha pantalla verde de croma (como as que se usan nas películas) no que o fondo se transforma. Todos os participantes do Photocall sairán no vídeo-concerto do día 31.

Para participar, contactar directamente entre o martes e venres con Diego ou Carlos.

Concerto de Samaín, con-certo terror, que se emitirá na Canle de Youtube de EMCO TV o Sábado 31 de Outubro ás 20h.