CASTING «LA VOZ KIDS» | Ortigueira

Dende La Voz Kids contactaron coa Escola de Música Concello de Ortigueira para que a xuventude do noso municipio poida participar no Casting do famoso programa de La Voz Kids (2022).

Para a selección dos participantes faranse unha serie de castings:

Online (a nivel selección comarcal)

A Coruña (a nivel autonómico. 1ª semana maio)

Madrid (a nivel nacional)

Programa «Audiciones a Ciegas»

Para máis información podedes contactar co director da EMCO (981402432) ou chamar ó teléfono /escribir email  da productora que vos deixamos a continuación.

Animádevos a participar!

CARTEL LA VOZ KIDS 2022 PAULA

MÚSICA EN FAMILIA | Ciclo de Concertos na EMCO

«Música en Familia» é o título dunha nova proposta innovadora da EMCO. Un ciclo de máis de 60 miniconcertos nos que os participantes compartirán música cos seus familiares e amigos, actuando ademáis en conxunto: avós con netos, nais con fillas, irmáns ou incluso tres xeracións de músicos orteganos.

Os concertos son públicos, con invitación (cada familia disporá dun número de entradas) ata completar aforo.

Retransmitiranse online para aqueles familiares que pola distancia non poidan acudir ó concerto en vivo, chegando este concerto familiar a países como Australia, Estados Unidos, Reino Unido ou diferentes rexións españolas.

Os horarios dos concertos pódense consultar no Taboleiro de Anuncios da Escola de Música Concello de Ortigueira.

Con esta actividade, pretendemos avanzar na desescalada e na nova normalidade a través de concertos en pequeno formato a nivel de número de asistentes, pero de gran calado humano, social e familiar ó volver a unir a través da música a diferentes xeracións e familias.

musica en familia 2022