Na nosa Escola, ofrecemos un obradoiro de iniciación musical:
Música e Movemento deseñado especialmente para nenos e nenas de 3 a 6 anos. Este é un espazo onde os máis pequenos poden explorar, descubrir e gozar da música nun ambiente lúdico e dinámico.
As clases, impartidas por Carlos Diéguez, celébranse martes e venres ás 16h, cunha duración de 60 minutos.
Cada sesión combina aprendizaxe e diversión, axudando aos nenos a desenvolver as súas habilidades musicais mentres fan novos amigos.
A música convértese nunha experiencia máxica e enriquecedora, onde os nenos e nenas poden expresarse libremente e descubrir todo o potencial creativo que levan dentro.
Non deixes pasar esta oportunidade única para o teu fillo ou filla. A música é a mellor maneira de comezar unha viaxe chea de aprendizaxe e emoción!
CONTIDOS
Contos Musicais: Usamos contos como fío condutor para introducir cada tema, facendo que a aprendizaxe sexa divertida e accesible.
Exploración Sonora: Descubrimos a diferenza entre ruído, silencio e música, e aprendemos a cantar e crear sons.
Ritmo e Pulso: Traballamos co ritmo, o tempo, a velocidade e o pulso para desenvolver a coordinación musical.
Discriminación Auditiva: Aprendemos a distinguir entre contrastes básicos como longo-curto, agudo-grave, forte-suave, e subida-baixada, ademais de imitar sons habituais.
Repertorio de Cancións: Interpretamos cancións sinxelas, seguindo o ritmo e a melodía, para desenvolver a expresión musical.
Iniciación á Escritura Musical: Introducimos as notas, as figuras e os compases, axudando aos nenos e nenas a comprender os fundamentos da notación musical.
Coñecemento dos Instrumentos: Descubrimos os instrumentos da orquestra e as súas familias, desenvolvendo a apreciación musical.
Audicións Clásicas: Escoitamos pezas clásicas para dramatizar ou discriminar auditivamente, estimulando a imaxinación e a escoita activa.
Audicións e Concertos: Facemos diversas actuacións ó longo do ano, así como este obradoiro será temático en datas como Samaín, Nadal, Entroido, Letras Galegas…
