Estamos encantados de darvos a benvida ao novo portal da Escola de Música Municipal de Ortigueira. Este espazo foi deseñado para ofrecer toda a información que precisades sobre a nosa escola, así como para facilitar o acceso aos servizos e recursos que ofrecemos a toda a comunidade educativa. A continuación, presentamos as seccións principais que atoparedes na nosa web:
INICIO: A nosa páxina principal, onde poderás acceder rapidamente ás últimas novidades, eventos e información destacada sobre a escola.
A ESCOLA: Aquí atoparedes toda a información xeral sobre a nosa escola, incluíndo a nosa historia, misión e visión, así como o plan de estudos detallado e as programacións académicas. Esta sección tamén inclúe información sobre as actividades extracurriculares e as oportunidades de participación que ofrecemos ao noso alumnado.
ALUMNADO: Un espazo adicado ao noso alumnado, onde poderán acceder á súa aula virtual para consultar materiais de estudo, seguir as súas clases e revisar os seus horarios. Este apartado é esencial para a xestión diaria da súa aprendizaxe.
SECRETARÍA: Nesta sección poderedes atopar toda a información relacionada coa matrícula, así como a documentación necesaria para formalizar a inscrición e outros trámites administrativos. Facilitarase o acceso a formularios e instruccións claras para simplificar o proceso.
NOVAS: Manterémosvos informados sobre todo o que acontece na Escola de Música a través desta sección, onde publicaremos as últimas novas, anuncios e eventos relevantes para a nosa comunidade.
A LIRA (Revista Dixital): Estamos orgullosos de presentar “A Lira”, a nosa revista dixital, onde compartimos artigos, entrevistas e reportaxes relacionados coa música, a cultura e a vida na nosa escola. É un espazo de expresión e de reflexión, aberto a toda a comunidade educativa.
CONTACTO: Se precisades poñervos en contacto connosco, podedes facelo a través de email, teléfono ou whatsapp.
Lembrade que o noso antigo blog en https://esmuortigueira.wordpress.com/ seguirá operativo, pero unicamente como memoria das actividades realizadas na ESMU nos últimos anos. A partir de setembro de 2024, toda a nova información será publicada exclusivamente nesta nova web.
Esperamos que disfrutedes navegando pola nosa nova web e que atopedes toda a información que precisades. Agradecémosvos a vosa confianza e compromiso coa Escola de Música Municipal de Ortigueira. ¡Benvidos e boa música!
