Aprobación definitiva do Regulamento de organización xeral e réxime interno da Escola Municipal de Música do Concello de Ortigueira
Aprobación definitiva do regulamento de organización xeral e rexime interno da Escola municipal de Música do Concello de Ortigueira | MARTES, 24 DE ENERO DE 2017 | BOP NÚMERO 16
Faise público, de acordo ó establecido nos artigos 70.2. da Lei 7/1985, do 2 de abril, reguladora das bases de réxime local, e 196.1. do Real Decreto 2568/1986, do 28 de novembro, polo que se aproba o Regulamento de organización, funcionamento e réxime xurídico das entidades locais, que o Regulamento de Organización Xeral e Réxime interno da Escola municipal de Música do Concello de Ortigueira, aprobada inicialmente polo Pleno en sesión ordinaria do día 11 de novembro de 2016, quedou aprobado definitivamente ó non terse presentado ningunha reclamación ou suxestión durante o período de exposición ó público do expediente.
Asemade, publícase o texto íntegro de devandito regulamento municipal, que non entrará en vigor ata que transcorra o prazo ó que se refire o artigo 70.2 da Lei 7/85.
Contra este acordo, que pon fin á vía administrativa, poderase interpoñer recurso contencioso-administrativo, nos termos establecidos na Lei reguladora da Xurisdición contencioso-administrativa.
