A Escola de Música Municipal de Ortigueira presenta a segunda tempada do seu podcast Ortigueira é Música, unha proposta sonora que combina música en directo, narración, divulgación cultural e moita emoción. Os novos episodios estarán dispoñibles todos os xoves ás 19:00 h, desde o 8 de maio ata o 12 de xuño, en ortigueiramusica.com, Ivoox, Spotify ou Youtube.
Cada entrega está protagonizada por interpretacións do Coro e o Grupo Celta da Escola de Música, acompañadas por pequenas historias e explicacións que contextualizan as pezas escollidas. A tempada aposta pola diversidade emocional e estilística, con repertorio que vai dende himnos espirituais ata danzas tradicionais galegas e europeas.
📅 Calendario da 2ª tempada:
Episodio 8 – Amazing Grace (8 de maio)
Episodio 9 – Vals do Alén (15 de maio)
Episodio 10 – Rumba dos Mariñeiros (22 de maio)
Episodio 11 – Hallelujah (29 de maio)
Episodio 12 – Laurendinha (5 de xuño)
Episodio 13 – Alegre Polka (12 de xuño)
A través deste proxecto, a Escola de Música reafirma o seu compromiso coa dinamización cultural e coa difusión da música feita en Ortigueira. O podcast está pensado tanto para o público local como para amantes da música de todo o mundo, e supón unha ponte entre xeracións e tradicións.
Podes escoitar aquí a 1ª Tempada: