A Escola de Música Municipal de Ortigueira pon en marcha a súa programación para persoas adultas no curso 2025/2026, con clases de Linguaxe Musical e diferentes conxuntos: Coro, Conxunto Tradicional, Percusións Ibéricas e o Grupo de Adultos.
📅 Datas de inicio
Linguaxe Musical: 29 de setembro
Coro de Adultos: 26 de setembro
Conxuntos Tradicionais: 1 de outubro
Grupo de Adultos: 10 de outubro
ℹ️ Para participar, é necesario confirmar a asistencia co profesor/a da especialidade ou co director.
A Escola de Música Municipal de Ortigueira celebrará o venres 26 de setembro de 2025 unha xornada de portas abertas destinada a todo o novo alumnado interesado en coñecer o centro e a súa programación de obradoiros para o curso 2025/2026.
16:00 – 17:00 h → Música e Movemento (para nenos e nenas de 3 a 6 anos)
19:00 – 20:00 h → Obradoiros Tradicionais
Durante esta sesión, as persoas interesadas poderán achegarse á Escola para coñecer as instalacións, solicitar información e recoller os impresos cos horarios oficiais de cada obradoiro, que estarán tamén dispoñibles en formato PDF/papel.
A Escola pon en marcha a súa programación de 10 obradoiros, cun total de 150 prazas dispoñibles, entre os que destaca o de Música e Movemento, orientado á primeira infancia (3 a 6 anos).
A oferta complétase con obradoiros de:
Pandeireta (infantil, xuvenil e adultos)
Tambor (infantil e adultos)
Percusións Ibéricas
Conxuntos Tradicionais (percusión e gaita)
Deste xeito, a programación abrangue propostas tanto para público infantil como para persoas adultas, ampliando a oferta formativa e de lecer para toda a comunidade
Inscrición aberta ata o 30 de setembro de 2025, no Rexistro Xeral ou Rexistro Electrónico do Concello de Ortigueira.
Inicio das clases: 1 de outubro de 2025.
As prazas adxudícanse por orde de inscrición, con prioridade para quen se matricule só nun obradoiro.
O impreso oficial de matrícula está dispoñible na web da Escola, e en papel no propio Rexistro Municipal.
A Escola de Música Municipal de Ortigueira pon en marcha a súa oferta de 10 obradoiros para o curso 2025/2026, cun total de 150 prazas dispoñibles.
Entre eles destaca o obradoiro de Música e Movemento, pensado para nenos e nenas de entre 3 e 6 anos, que combina creatividade e aprendizaxe musical dunha maneira dinámica e participativa.
Ademais, a programación inclúe obradoiros de pandeireta, tambor, percusións ibéricas e conxuntos tradicionais, tanto para público infantil como para persoas adultas, ampliando así a oferta formativa e de lecer para toda a comunidade.
Prazos e datas importantes
O prazo de inscrición permanecerá aberto ata o 30 de setembro de 2025 no Rexistro Xeral ou Rexistro Electrónico do Concello de Ortigueira.
As clases darán comezo o 1 de outubro de 2025.
As prazas adxudícanse por orde de inscrición e terán prioridade aquelas persoas que se matriculen unicamente nun obradoiro.
Máis información e impresos de matrícula están dispoñibles na web do Concello e nos taboleiros da Escola de Música Municipal de Ortigueira.
📻 Este domingo, a Escola de Música Municipal de Ortigueira en Radio Voz
Este domingo, de 13:15h a 14:00h, a Escola de Música Municipal de Ortigueira será protagonista no programa Con Outra Voz de Radio Voz.
Falaremos da nosa historia, das agrupacións que forman parte da escola, das novidades do curso e do camiño cara ao 25º aniversario, que celebraremos en 2025 con múltiples proxectos culturais e musicais para toda a veciñanza.
👉 Podes sintonizarnos en todas as frecuencias de Radio Voz en Galicia:
Programa en directo
👉 E ao día seguinte, dispoñible tamén en formato podcast:
Arquivo de Con Outra Voz
Unha oportunidade única para coñecer máis de preto a escola, que dende hai máis de dúas décadas é referente musical e educativo en Ortigueira e en toda a comarca.
Con Outra Voz, o gran magazine de fin de semana de Radio Voz, conducido por Félix Jorquera.
Actualidade, cultura, música, literatura, cine, gastronomía, asociacionismo… Todo o que acontece en Galicia, contado en clave galega, para achegarche propostas de lecer, actividades e a voz dos seus protagonistas.
A través desta páxina podes coñecer e descargar impresos ou información sobre a Escola de Música.
🗓 PRAZO ORDINARIO DE MATRÍCULA: do 1 ao 10 de setembro de 2025
Este proceso está dirixido a:
✅ Alumnado que cursou estudos no curso 2024/2025.
✅ Alumnado novo con prematrícula e praza confirmada.
✅ Alumnado novo sen prematrícula: será atendido por orde de entrada, unha vez adxudicadas as prazas dispoñibles.
⚠️ É obrigatorio matricularse neste prazo para manter a praza. Se non se formaliza entre o 1 e o 10 de setembro, pérdese o dereito á praza gardada.
A formalización e envío do impreso de solicitude non garantiza a praza. Farase segundo os criterios establecidos no regulamento da escola.
As persoas interesadas deberán presentar as solicitudes no Rexistro Xeral do Concello de Ortigueira, na sede electrónica do Concello de Ortigueira ou en calquera dos medios establecidos no artigo 16.4 da Lei 39. /15. do 1 de outubro, Procedemento Administrativo Común das Administracións Públicas.
Debe de presentar o Impreso de Matrícula así como a Instancia (Solicitude xeral) cuberta xunto cos datos que se requiran en cada unha delas.
REXISTRO ELECTRÓNICO (CLICK AQUI)
Os horarios das Clases Colectivas de Linguaxe Musical, Conxunto (Banda) ou Coro serán os mesmos que no anterior curso. Podes consultalos aquí: https://ortigueiramusica.com/horarios/
Antes desa data o director e profesorado contactará cas persoas inscritas para confirmar a praza.
XOVES 11 SETEMBRO
18h | GAITA
18:30 | VENTO-METAL
19h. | PERCUSIÓN
19:45 | GUITARRA (Corda)
VENRES 12 SETEMBRO
19h | PIANO
20h | CANTO (Voz) e VENTO-MADEIRA
(*) Os criterios de adxudicación das prazas así como da elección de horarios podense leer en: https://ortigueiramusica.com/capitulo-iii-procedementos/
🎻 Clases individuais: a partir do 15 de setembro
🎶 Linguaxe musical e conxuntos: a partir do 22 de setembro
📅 Matrícula: do 15 ao 30 de setembro
📅 Comezo: 1 de outubro
🎪 Xornadas de portas abertas na segunda quincena de setembro.
Música e Movemento conserva os horarios do pasado curso (martes e venres ás 16h).
❌ NON deben cubrir esta matrícula os participantes só en obradoiros (música e movemento, pandeireta, tambor, cantareiras…).
📨 CONTACTO E DÚBIDAS: https://ortigueiramusica.com/contacto/
REMATE DAS CLASES NA ESCOLA DE MÚSICA:
As Clases indiviudais de instrumento e Linguaxe musical rematan o venres 20 de xuño.
REMATE DAS CLASES NOS OBRADOIROS DE MÚSICA TRADICIONAL:
Rematan o 27 de xuño, xunto o Festival Fin de Curso da ESMU. No caso do alumnado de Diana Samprón (alumnado dos centros sociais de Senra/Loiba) programarase no mes de xullo unha actuación nesas sedes)
(Alumnado que actúa no Concerto do día 27 de xuño)
LUNS 23 XUÑO
16h a 17h | Coro Adultos en Aula 3
MARTES 24 XUÑO
16h a 16:45 – Música e Movemento | Con colaboración das rapazas ca voz (clase de canto/linguaxe)
16:30h a 17:30 – Conxunto de Guitarras
16:45 a 17:45 – Mostra de Instrumentos para alumnado matriculado en Música e Movemento que cumpre 7 anos no 2025 e elixe instrumento.
18h a 19:30 – COMBO
18:30 a 19:30 – Coro Infantil / Xuvenil
19h a 20h – Coro de adultos
MÉRCORES 25 XUÑO
En Escola (Diana): 16h a 17:30 Grupo de Percusión | 17:30 a 18:45 Pandereta Avanzado
En Teatro (Ricardo): Ensaio xeral de 19h a 20h. (entrada porta traseira do teatro)
XOVES 26 XUÑO
16:30h a 17:30 – Conxunto de Guitarras (Aula 3)
16:30h a 17:30 – Grupo de Percusión (Aula 7)
18h a 19:30 – COMBO
18:30 a 19:30 – Coro Infantil / Xuvenil
19h a 20h – Coro de adultos
VENRES 27 – CONCERTO AS 19H
Entrada por porta traseira:
17:45 a 18:15 | Ensaio-proba de Lela (Combo e coros)
18:15 a 18:45 | Proba e colocación alumnado de Ricardo
18:45 abrese as portas para todo o público.
19h | Concerto: duración prevista 2h. 15 min. (Fin +- 21:10h)
Roupa para o Concerto:
Música e Movemento (Libre)
Alumnado de Ricardo (Obradoiro e Gaita) : de Negro e pañuelo optativo (tradicional)
Combo: Libre, pero preferible camisetas dunha cor sola.
Coro de Adultos: De negro
Percusión, Guitarra e Coro Infantil/Xuvenil: Libre
Ortigueira é Música – 2ª Tempada
Continúa a viaxe musical da Escola de Música Municipal de Ortigueira! Nesta nova tempada, cada xoves ás 19:00 horas traémosche historias, emocións e sons únicos da nosa terra. Coas voces do Coro, o Grupo Celta e outras agrupacións da escola, celebramos a cultura musical galega e universal.
Dispoñible en ortigueiramusica.com, Spotify e Ivoox.
Episodios: do 8 de maio ao 12 de xuño de 2025.
Rematamos a tempada cunha explosión de enerxía e ledicia: Alegre Polka. Esta danza de orixe centroeuropea chegou a Galicia hai moitas décadas e foi adaptada á nosa tradición musical, mantendo o seu carácter brincador e festivo. O Grupo Celta da Escola interpreta esta versión con entusiasmo, facendo bailar os pés e sorrir o espírito. Un peche perfecto para unha tempada chea de emoción, cultura e música feita en Ortigueira.
Ortigueira é Música – 2ª Tempada
Continúa a viaxe musical da Escola de Música Municipal de Ortigueira! Nesta nova tempada, cada xoves ás 19:00 horas traémosche historias, emocións e sons únicos da nosa terra. Coas voces do Coro, o Grupo Celta e outras agrupacións da escola, celebramos a cultura musical galega e universal. Dispoñible en ortigueiramusica.com, Spotify e Ivoox. Episodios: do 8 de maio ao 12 de xuño de 2025.
Leonard Cohen escribiu Hallelujah en 1984 e dende entón converteuse nun himno emocional versionado por centos de artistas. O Coro da Escola ofrece unha interpretación coral que destaca pola súa delicadeza, equilibrio harmónico e intensidade expresiva. Neste episodio reflexionamos sobre o significado profundo desta canción: espiritualidade, amor, perda e redención, todo condensado nun só “aleluia” que resoa dende Ortigueira para o mundo.
25º Aniversario da Escola de Música Municipal de Ortigueira
Venres 27 de xuño, 19:00 h – Teatro da Beneficencia | Entrada de balde ata completar aforo
A Escola de Música Municipal de Ortigueira celebra neste 2025 o seu 25º aniversario, consolidándose como un proxecto educativo, artístico e social de referencia na comarca do Ortegal.
Desde a súa creación no ano 2000, a escola desenvolve un labor esencial para fomentar a afección musical entre a infancia e consolidala entre a poboación adulta, cun enfoque pedagóxico actualizado e adaptado ás necesidades de cada etapa. A formación musical comeza desde os 3 anos, e inclúe tanto ensinanza oficial como programas específicos para persoas adultas, cunha clara vocación de formación integral e inclusiva.
O impacto da Escola vai máis alá das aulas: proxectos como “Música para a Vida”, concertos polas parroquias, e o impulso de agrupacións como a Banda Xuvenil, os Coros, o Grupo Celta, de Rock, de Cámara ou Tradicional, amosan o seu carácter dinamizador e comunitario. Ademais, o profesorado desenvolveu materiais didácticos que hoxe son un referente en España e Latinoamérica.
A Escola tamén foi sede de congresos, concursos de composición e de novos intérpretes, e mesmo acolleu como sede á Banda Sinfónica de Galicia. Os vídeos dos nenos e nenas de Música e Movemento en Nadal chegaron a viralizarse, sumando a ESMU máis de 200.000 reproducións na súa canle de YouTube.
A oferta educativa abrangue áreas como Música e Movemento, Linguaxe Musical, Conxuntos instrumentais e vocais, Dirección, Harmonía, Análise e Historia da Música. Este curso 2024-2025 introducíronse tamén obradoiros de música tradicional en Senra e Loiba, ampliando o acceso á formación nas parroquias.
CONCERTO 25 ANIVERSARIOO venres 27 de xuño, ás 19:00 h no Teatro da Beneficencia, terá lugar o concerto conmemorativo do 25º aniversario, que xirará arredor da historia viva da Escola. Participará o alumnado actual, os grupos dos obradoiros, as agrupacións instrumentais e vocais, así como os conxuntos de música tradicional, percusión, guitarra, combo moderno e música e movemento.
Un concerto participativo, sorprendente e emotivo, pensado para toda a comunidade.
A entrada é de balde ata completar aforo.
Ortigueira é Música – 2ª Tempada
Continúa a viaxe musical da Escola de Música Municipal de Ortigueira! Nesta nova tempada, cada xoves ás 19:00 horas traémosche historias, emocións e sons únicos da nosa terra. Coas voces do Coro, o Grupo Celta e outras agrupacións da escola, celebramos a cultura musical galega e universal. Dispoñible en ortigueiramusica.com, Spotify e Ivoox. Episodios: do 8 de maio ao 12 de xuño de 2025.
A forza do mar, o salitre nas mans e o ritmo no corazón. Rumba dos Mariñeiros é unha peza que rende homenaxe ás xentes do mar, que día tras día fan da súa vida un oficio heroico. O Grupo Celta da Escola de Música Municipal de Ortigueira interpreta esta rumba con alegría e autenticidade, incorporando elementos do folclore galego con arranxos actuais, sen perder nunca a súa esencia popular.
